::Guia xuvenil do Courel::

Valoración: 5 / 5

Distancia: 2 km (so ida)

Dificultade: Baixa

Tempo: 30 min

Este camiño non está sinalizado pero poñémolo aquí porque nos impactou a súa espectacular beleza, vai case todo o tempo por un bosque de ribeira, moi preto do río Lor. Como vai tan cerca

 do río é posible que no inverno ou con grandes crecidas do río o camiño non estea practicable.

A mellor maneira de comezar o camiño é dende a Ferrería Nova, alí tes que atravesar a aldea en dirección ó río e cruzalo por unha ponte de cemento. Un pouco despois da ponte hai un

 sendeiro que vai a man dereita: a partir de aí xa non hai perda, o camiño sigue sempre recto. Trátase dun sendeiro que vai case sempre seguindo antigas presas de rega dos prados que hai próximos ó río.

O final do sendeiro chegamos a un pontón de madeira en moi bo estado (na metade do camiño hai outra ponte que se atopa case caendo, e pola que non é recomendable cruzar). Aquí podemos cruzar o río e saímos a estrada que vai de Seoane a Folgoso (no km 30 da LU-651). Podemos volver á Ferrería polo

  mesmo camiño ou pola Estrada (serían aproximadamente outros 2 km).

Por aquí pasou parte de proba Ultra Trail Aldeas do Courel no ano 2013.

Descargar o mapa ó teu GPS ou móbil

1.6 km, 01:00:00